Հասարակական
Պատանեկան Օլիմպիական խաղեր. Հայաստանի երկրորդ մեդալը
Արգենտինայի մայրաքաղաք Բուենոս Այրեսում շարունակվող պատանեկան ամառային Օլիմպիական խաղերում երկրորդ մեդալը նվաճեց Հայաստանը:
Բրոնզե մեդալակիր է դարձել հունահռոմեական ոճի ըմբիշ Սահակ Հովհաննիսյանը (60կգ): Երրորդ տեղի համար գոտեմարտում նա հաղթել է մեքսիկացի մրցակցին:
Հիշեցնենք, որ Բուենոս Այրեսում Հայաստանի առաջին մեդալը նվաճել էր ծանրորդ Կարեն Մարգարյանը, որն արժանացել է չեմպիոնի տիտղոսին:
77 կգ քաշային կարգի երկամարտում պատանիների Եվրոպայի կրկնակի չեմպիոն Մարգարյանը գրանցել էր 309 կգ արդյունք (141+168):
Աղբյուր՝ sport.news.am