Հասարակական
Քննչական կոմիտեի 9 մարզային բաժին ՏԻՄ ընտրություններով պայմանավորված կաշխատի ամբողջ կազմով
Հայաստանի Հանրապետության Քննչական կոմիտեի նախագահ Հայկ Գրիգորյանի հանձնարարությամբ, հոկտեմբերի 21-ին` ՀՀ 9 մարզերում սպասվող տեղական ինքնակառավարման մարմինների ընտրություններով պայմանավորված, ՀՀ ՔԿ մարզային քննչական բաժինները կաշխատեն ամբողջ կազմով:
Հոկտեմբերի 21-ին Հայաստանի Հանրապետության 9 մարզերի 49 համայնքում տեղի կունենան ՏԻՄ ընտրություններ:
Ընտրությունների ընթացքում ու դրան հաջորդող շրջանում քաղաքացիների ընտրական իրավունքի խախտումների վերաբերյալ բոլոր հաղորդումները կստանան արագ արձագանքում:
Օրենքով սահմանված կարգով կիրականացվի քննություն՝ հաղորդումներում մատնանշված հանգամանքներն ստուգելու ուղղությամբ, որոնց արդյունքներով կայացվող դատավարական որոշումների մասին կտեղեկացնենք լրացուցիչ։
Հոկտեմբերի 21-ին տեղական ինքնակառավարման մարմինների ընտրություններ կանցկացվեն Արագածոտնի, Արարատի, Արմավիրի, Գեղարքունիքի, Լոռու, Կոտայքի, Շիրակի, Սյունիքի, Տավուշի մարզերի 49 համայնքներում:
Աղբյուր՝ shantnews.am