ԱՎԵԼԻՆ

Հասարակական

Պայմանական վաղաժամկետ ազատ է արձակվել ցմահ ազատազրկման դատապարտված անձ
17:00 18.10.2018

Պայմանական վաղաժամկետ ազատ է արձակվել ցմահ ազատազրկման դատապարտված անձ

Հայաստանի Հանրապետության արդարադատության նախարարի պաշտոնակատար Արտակ Զեյնալյանը հայտնում է, որ պայմանական վաղաժամկետ ազատ է արձակվել ցմահ դատապարտված անձ: Ինչպես հաղորդում է «Արմենպրես»-ը, այս մասին Արտակ Զեյնալյանը գրառում է կատարել «Ֆեյսբուք»-ի իր էջում: 

«16.10.2018թ Երևան քաղաքի ընդհանուր իրավասության դատարանը, դատավոր Արթուր Մկրտչյանի նախագահությամբ, աննախադեպ որոշում կայացրեց՝ դատարանի դահլիճից պայմանական վաղաժամկետ ազատ արձակելով ցմահ ազատազրկման դատապարտված Կարեն Օգանեսյանին։
Երևույթն, իրոք, աննախադեպ է ու ողջունելի, քանի որ առաջինը՝ ՔԿՀ-ի կողմից առաջին անգամ ցմահ դադապարտյալին տրվել էր դրական նկարագիր, երկրորդ՝ տարիներ շարունակ որևէ ցմահ ազատազրկման դատապարտված անձի նկատմամբ դատարանը նման որոշում չէր կայացրել և երրորդ՝ անձն ազատվել է պատժի կրման տարիների ընթացքում դրսևորած պատշաճ վարքագծի համար։
Սա է մեր Կառավարության այս ոլորտում որդեգրած քաղաքականությունը․ ցմահ ազատազրկված անձինք, պատժի կրման ընթացքում օրինակելի վարքագիծ դրսևորելու արդյունքում, ևս իրավունք ունեն օգտվելու պայմանական վաղաժամկետ ազատման հնարավորությունից։ Վստահ եմ՝ սա այս թեմայով իմ առաջին և ո՛չ վերջին անդրադարձն է լինելու»։

Աղբյուր՝ Արմենպրես

17:00 18.10.2018

Ամենաշատ ընթերցվածները