Սյունիք
Աղբից մաքրվել է Լաստի Խութ սարի ստորոտը
Որոշ օրինազանց քաղաքացիների պատճառով, Լաստի Խութ սարի ստորոտը աղբանոց էր դարձել։ Համայնքապետարանի նախաձեռնությամբ գեղատեսիլ վայրը մաքրվել է աղբից։ Վերջին մեկ տարվա ընթացքում տարածքը մի քանի անգամ մաքրվել է, սակայն դեպքերը կրկնվում են։ Համայնքի գլխավոր աղբավայրը գտնվում է սարից քիչ հեռու, սակայն մի շարք օրինազանց քաղաքացիներ շարունակում են աղբը թափել չնախատեսված վայրում։ Այժմ սարի ստորոտն ամբողջովին մաքուր է։
Գորիսի համայնքապետարանը տեղեկացնում է` բոլոր այն քաղաքացիները, ովքեր առաջիկայում կփորձեն տարածքում կրկին աղբ թափել, պատժվելու են օրենքի ամբողջ խստությամբ։ Մենք հետևողական ենք լինելու համայնքի գեղատելիս վայրերը աղբանոց դարձնելու վատ սովորությունը կանխելու հարցում։