ԱՎԵԼԻՆ

Հասարակական

Դաշնակահարուհի Եվա Գևորգյանը միջազգային մրցույթում երկրորդ մրցանակին է արժանացել
13:00 10.06.2019

Դաշնակահարուհի Եվա Գևորգյանը միջազգային մրցույթում երկրորդ մրցանակին է արժանացել

Ռուսաստանաբնակ դաշնակահարուհի 15-ամյա Եվա Գևորգյանը Cliburn International Junior Piano Competition-ում գրավել է երկրորդ տեղը։ Նա նաև արժանացել է «Մամուլի մրցանակի»։ Այս մասին տեղեկանում ենք մրցույթի պաշտոնական կայքից։

Առաջին մրցանակին արժանացել է ավստրալիացի 16-ամյա դաշնակահարը, երրորդ՝ Հարավային Կորեայից 17-ամյա երաժիշտը։ Առաջին մրցանակակիրը ստացել է 15,000 ԱՄՆ դոլար, երկրորդ մրցանակակիրը՝  10,000 դոլար, երրորդ` 5000 դոլար:

Հիշեցնենք, որ մրցույթն անցկացում էր Դալասում մայիսի 31-ից հունիսի 8-ը։ Մրցույթին մասնակցում էին 13-17 տարեկան  23 դաշնակահար։

Եվան սովորում է Մոսկվայի Պ.Չայկովսկու անվան պետական կոնսերվատորիային կից երաժշտական դպրոցում: Նա նվագում է 3 տարեկանից, մասնակցել է 15-ից ավելի միջազգային մրցույթների և փառատոների` մասնավորապես «Շոպեն» դաշնակահարների մանկապատանեկան միջազգային մրցույթին (Լեհաստան), «Չիտա դի Սան-Դոնա-դի-Պյավե» II միջազգային մրցույթին (Իտալիա), Բակուլովի անվան դաշնակահարների համառուսաստանյան մրցույթին (Եկատերինբուրգ), Clavi Cologne Piano Competition (Գերմանիա) և արժանացել բացառապես առաջին մրցանակների, Cleveland International Piano Competition-ում արժանացել է առաջին մրցանակին։

Աղբյուրը` Panorama.am

13:00 10.06.2019

Ամենաշատ ընթերցվածները