Սյունիք
Սյունիքի մարզպետին փոխարինում է Գոռ Թադևոսյանը
Սյունիքի մարզպետ Կարեն Համբարձումյանին փոխարինում է մարզպետի տեղակալ Գոռ Թադևոսյանը։ Այս մասին տեղեկացնում է Սյունիքի մարզպետարանի կայքը։
««Կառավարչական իրավահարաբերությունների կարգավորման մասին» Հայաստանի Հանրապետության օրենքի 16-րդ հոդվածի 12-րդ մասի և 19-րդ հոդվածի համաձայն՝ ՀՀ Սյունիքի մարզպետին փոխարինում է ՀՀ Սյունիքի մարզպետի տեղակալի պաշտոնակատար Գոռ Թադևոսյանը»,– ասված է մարզպետարանի կայքում զետեղված հաղորդագրությունում:
Կարեն Համբարձումյանը Հայաստանի Հանրապետության Սյունիքի մարզպետի պաշտոնից ազատվել էր ՀՀ կառավարության 2018թ. հոկտեմբերի 4-ի 1080–Ա որոշումով:
Աղբյուրը՝ shantnews.am