Պատահարներ
Հրշեջ-փրկարարները մարել են խոտածածկ տարածքներում բռնկված հրդեհները
Հոկտեմբերի 29-30-ը ԱԻՆ ՓԾ Ճգնաժամային կառավարման ազգային կենտրոնում ահազանգեր են ստացվել հանրապետության տարբեր խոտածածկ տարածքներում բռնկված հրդեհների վերաբերյալ:
Մասնավորապես՝ Կոտայքի մարզի Հրազդան քաղաքի Կաքավաձոր թաղամասի մոտակա սարում այրվել է մոտ 10 հա, Սյունիքի մարզի Սիսիան քաղաքի ենթակայանի մոտ՝ 5000 քմ խոտածածկ տարածք, Օխտար գյուղի մոտակայքում` մոտ 1.5 հա բուսածածկույթ, Արևիս և Թանահատ գյուղերի միջնամասում՝ մոտ 1 հա, Տավուշի մարզի Բաղանիս գյուղի մոտակայքում` մոտ 5 հա խոտածածկույթ:
Բոլոր հրդեհները հրշեջ-փրկարարները մեկուսացրել են և մարել:
ՀՀ ԱԻՆ