Հասարակական
Ժամանակակից քանդակների ցուցահանդես՝ Ակսել Բակունցի տուն-թանգարանում
Ակսել Բակունցի տուն-թանգարանում տեղի ունեցավ երիտասարդ քանդակագործ-ուսանողների ցուցահանդեսի բացման արարողությունը:
Միջոցառումը նախաձեռնելն է «ART PR» ընկերությունը՝ «Գորիսը՝ ԱՊՀ մշակութային մայրաքաղաք» ծրագրի շրջանակներում:
Ցուցահանդեսի բացմանը մասնակցում էին «ART PR» ընկերության ներկայացուցիչ Գայանե Դավթյանը, Գորիսի համայնքապետարանի մշակույթի բաժնի աշխատակիցները, ճարտարապետության և շինարարության Հայաստանի ազգային համալսարանի ուսանողները՝ Հայկ Թոքմաջյանի ղեկավարությամբ, հյուրեր: Ներկայացված աշխատանքները կցուցադրվեն մինչև նոյեմբերի 12-ը:
«Ուսանողները, արվեստագետները արդեն դուրս են եկել ուսանողական միջավայրից և արդեն ինքնուրույն կարողանում են ցուցադրել: Այս գործերը ամեն մեկը անհատական կերպարի արտահայտություն են»,- իր խոսքում նշեց Հայկ Թոքմաջյանը:
Լուսանկարները՝ Ակսել Բակունցի տուն-թանգարան
Աղբյուր՝ Goris Today