Հասարակական
19:00
09.11.2018
4-րդ կուրսի ուսանողուհուն գտել են անգիտակից՝ մարզադաշտի մոտ
Գորիսում նոյեմբերի 7-ին մարզադաշտի մոտ հայտնաբերվել է երիտասարդ աղջիկ՝ անգիտակից վիճակում։
Pastinfo.am-ի փոխանցմամբ, վերջինիս նկատել է 31-ամյա մի տղամարդ՝ ժամը 11-ի մոտակայքում Գորիսի քաղաքի «մինի ֆուտբոլի» մարզադաշտի կողքով անցնելիս. աղջիկն ընկած է եղել գետին, իսկ կողքը՝ քացախաթթվի դատարկ շիշ՝ բաց վիճակում։
Աղջիկն անմիջապես տեղափոխվել է «Գորիս» Բ/Կ, որտեղ նրա մոտ ախտորոշվել է «սուր էկզոգեն թունավորում»։ Աղբյուրի տեղեկություններով՝ տուժածը Գորիսի բնակչուհի է եւ սովորում է Գորիսի պետական համալսարանի 4-րդ կուրսում։
Կատարվածի մասին բժշկական կենտրոնից ահազանգել են ոստիկանություն, որտեղ քննություն է սկսվել՝ դեպքի հանգամանքները պարզելու համար։
Աղբյուր՝ Pastinfo.am
19:00
09.11.2018
Հարակից նյութեր
Ամենաշատ ընթերցվածները
