Հասարակական
Հիմնանորոգվել են նախակրթարանի սանհանգույցները
Հիմնանորոգվել և ժամանակակից գույքով կահավորվել են Գորիսի Վազգեն Սարգսյանի անվան թիվ 1 նախակրթարանի խոհանոցը, սանհանգույցները: Աշխատանքներն իրականացվել են «Քոնթուր Գլոբալ» ընկերության ֆինանսական օժանդակությամբ՝ կորպորատիվ սոցիալական պատասխանատվության ծրագրերի շրջանակներում: Նախակրթարան հաճախում է 152 երեխա: Մինչ հիմնանորոգումը սանհանգույցները, խոհանոցը անմխիթար վիճակում էին, այժմ բոլորովին նոր տեսք ունեն: Այս տարի Գորիսի համայնքապետարանի միջոցներով նորոգվել և կահավորվել էր նաև նախակրթարանի դահլիճը, փոխվել է տանիքը: Գորիսի համայնքապետարանը շնորհակալություն է հայտնում «Քոնթուր Գլոբալ» ընկերությանը հերթական անգամ համայնքային նախաձեռնություններին աջակցելու համար:
Աղբյուր՝ Գորիսի համայնքապետարան