Հասարակական
Սյունիքի մարզի Վերիշեն գյուղում հրդեհ է բռնկվել
Հունվարի 9-ին, ժամը 21:03-ին «911» ծառայությանն ահազանգ է ստացվել, որ հրդեհ է բռնկվել Սյունիքի մարզի Վերիշեն գյուղում՝ ավտոտնակի տանիքում:
Դեպքի վայր է մեկնել ԱԻՆ ՓԾ հրշեջ-փրկարարական ջոկատից երկու մարտական հաշվարկ:
Պարզվել է, որ հրդեհը բռնկվել է Վերիշեն գյուղի 16-րդ փողոցի թիվ 1 հասցեում (սեփականատերը՝ Ա. Ք.) գտնվող ավտոտեխսպասարկման կետի տանիքում:
Հրդեհը մեկուսացվել է ժամը 02:00-ին, մարվել՝ 03:03-ին:
Այրվել են ավտոտեխսպասարկման կետի տանիքն ամբողջությամբ՝ մոտ 150 քմ և տանիքում պահեստավորած անասնակեր՝ մոտ 1000 հակ:
Հրդեհաշիջման աշխատանքներին մասնակցել են ազատ հերթափոխից 30 հրշեջ-փրկարար:
Դեպքի վայրում են գտնվել Գորիսի կոմունալ ծառայության ջրատար մեքենան և մեկ հատուկ տեխնիկա: