Սյունիք
Տարին սկսվում է խոշոր նոր ծրագրերով
Գորիս համայնքի ղեկավարն հունվարի 11-ին շրջայց է կատարել և հետևել անցյալ տարի համայնքում մեկնարկած կապիտալ ծրագրերի ավարտական փուլի աշխատանքներին: Շինաշխատանքները գրեթե ավարտվում են, համայնքի ղեկավարը հանձնարարել է հիմնանորգման աշխատանքների վերջին՝ տարածքների կահավորման փուլում ևս խիստ հետևողական լինել որակին: Առուշանյանը, միևնույն ժամանակ, համայնքապետարանի համապատասխան բաժիններին հանձնարարել է կարճ ժամկետներում սկսել նաև 2019թ. համար նախատեսված կապիտալ ծրագրերի մեկնարկային աշխատանքները:
Նախատեսվող խոշոր ծրագրեր են ՝
✅Բազմաբնակարան շենքի կառուցում՝ 40 բնակարանով
✅Խնձորեսկ բնակավայրում կապտաժի կառուցում և բնակավայրի խմելու ջրի հարցի վեջնական լուծում
✅Գորիսի կենտրոնական, տնտեսական նշանակության փողոցների, ենթակառուցվածքների կապիտալ նորոգում
✅Ֆուտբոլի դաշտի հիմնանորոգում, մարզասրահի կառուցում
Համայնքի ղեկավարը հանձնարարել է առաջիկա մեկ ամսվա ընթացքում ավարտին հասցնել ծրագրային, նախագծանախահաշվային աշխատանքները և սկսել շինաշխատանքների մեկնարկային փուլը: Վերը նշված աշխատանքներից զատ, համայնքի տարբեր բնակավայրերում ևս ընթացիկ տարում սպասվում են խոշոր ծրագրեր՝ խաղահրապարակների կառուցում, առաջնահերթ խնդիրների լուծում: