ԱՎԵԼԻՆ

Հասարակական

Որոտնավանում գողացել են բերքատու ծառեր
11:00 13.03.2019

Որոտնավանում գողացել են բերքատու ծառեր

Մարտի 11-ին, ժամը 11.30-ին, Սյունիքի մարզի Որոտնավան գյուղի մի բնակչից ոստիկանության Սիսիանի բաժին հաղորդում է ստացվել, որ փետրվարի 25-ի կեսօրից մինչև մարտի 10-ի ժամը 15.00-ն ընկած ժամանակահատվածում Որոտնավան գյուղում վարձակալած, բաց տարածքի իր այգուց բենզասղոցով կտրել և գողացել են 6 թթենու, 2 կեռասենու, 4 սալորենու և 7 ընկուզենու բերքատու ծառեր՝ պատճառելով մոտ 1.000.000 դրամի վնաս:

Ոստիկանության Սիսիանի բաժնի ծառայողների ձեռնարկած միջոցառումների արդյունքում պարզվել է, որ փետրվար ամսվա ընթացքում և մարտի 8-ին նշված ծառերը բենզասղոցով հատել է 1995 թ. ծնված Ռաֆայել Մ.-ն և իր «ՎԱԶ-2106» մակնիշի ավտոմեքենայով տեղափոխել իր տան բակ: Ռաֆայել Մ.-ն տվել է խոստովանական բացատրություն: Նախապատրաստվում են նյութեր:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Ոստիկանություն 


11:00 13.03.2019

Ամենաշատ ընթերցվածները