Հասարակական
ՀՀ ԶՈՒ պատվիրակությունը Մոսկվայում մասնակցում է միջազգային մրցումների պլանավորման համաժողովին
ՀՀ ԶՈՒ մարտական պատրաստության վարչության պետ - ԶՈՒ գլխավոր շտաբի պետի տեղակալ, գեներալ-մայոր Անդրանիկ Մակարյանի գլխավորած պատվիրակությունը մասնակցում է ապրիլի 10-ից 11-ը Մոսկվայում անցկացվող «Միջազգային բանակային խաղեր-2019» մրցումների նախապատրաստման պլանավորման երկրորդ համաժողովին:
ՊՆ-ից NEWS.am-ին հայտնում են, որ ՀՀ ԶՈՒ պատվիրակությունը մասնակցում է նաեւ մրցումների կազմակերպչական միջազգային կոմիտեի խորհրդի նիստին, գլխավոր մրցավարական հանձնաժողովի սեմինարին, ինչպես նաեւ կազմակերպչական հարցերի ճշտմանն ու կանոնակարգերի քննարկմանը:
Աղբյուր՝ news.am