ԱՎԵԼԻՆ

Հասարակական

Ադրբեջանի ԱԳՆ. Մխիթարյանը կարող է մասնակցել Բաքվում կայանալիք ԵԼ եզրափակիչ խաղին
17:00 11.05.2019

Ադրբեջանի ԱԳՆ. Մխիթարյանը կարող է մասնակցել Բաքվում կայանալիք ԵԼ եզրափակիչ խաղին

Հայաստանի ազգային հավաքականի և «Արսենալի» կիսապաշտպան Հենրիխ Մխիթարյանը կարող է խաղալ Բաքվում կայանալիք Եվրոպայի լիգայի եզրափակիչ հանդիպմանը՝ չնայած երկրների միջև լարվածությանը: sport-express.ru-ի հաղորդմամբ՝ հայտարարել է Ադրբեջանի ԱԳՆ մամուլի քարտուղար Լեյլա Աբդուլլաևան։

«Ադրբեջանում կայացել են մեծ սպորտային իրադարձություններ, որոնց մասնակցել են հայ մարզիկները: Սպորտն ու քաղաքականությունն առանձնացված են իրարից»,- ասել է նա։

Մայիսի 29-ին Բաքվի «Օլիմպիական» մարզադաշտում  Եվրոպայի լիգայի եզրափակիչ հանդիպմանը «Արսենալը» պայքարելու է «Չելսիի» դեմ:

Նշեք, որ ավելի վաղ ՈւԵՖԱ-ն վստահեցրել էր, որ Մխիթարյանը Բաքու այցելելու խնդիր չի ունենա։

«Մենք պահանջել ենք հավաստիացումներ, որ Մխիթարյանը խնդիրներ չի ունենա։ Ադրբեջանի ֆուտբոլի ֆեդերացիաների ասոցիացիան հաստատել է, որ այդ խաղացողն  երկիր այցելելու  խնդիր չի ունենա և կձեռնարկվեն անվտանգության համար բոլոր անհրաժեշտ միջոցառումները»,-ասել էին ՈւԵՖԱ-ի  մամուլի ծառայությունից։

Մխիթարյանը երկու անգամ չի մեկնել Բաքու և չի մասնակցել ադրբեջանական թիմերի հետ Եվրագավաթի խաղերին։

Աղբյուրը՝ Panorama.am

17:00 11.05.2019

Ամենաշատ ընթերցվածները