Հասարակական
Սյունիքում սկսվել են համապետական շաբաթօրյակի աշխատանքները
Սյունիքի մարզում առավոտից սկսվել են համապետական շաբաթօրյակի աշխատանքները:
Ամենավաղը շաբաթօրյակի են դուրս եկել շոգ Մեղրի համայնքում՝ ժամը 07:15-ից. այստեղ աշխատանքներ են տարվում Վարդանիձորում, Տաշտունում, Լեհվազում առկա խոշոր ու չնախատեսված աղբավայրերում:
Քաջարան համայնքում ժամը 09:00-ից սկսվել են լոգերի մաքրման ու ասֆալտի լվացման աշխատանքները:
Կապանում շաբաթօրյակը մեկնարկել է 08:30-ից, մարզկենտրոնում տեղակայված զորամասերի զինծառայողները եւս ակտիվորեն մասնակցում են շաբաթօրյակին:
Գորայքում մաքրվում է մարզի մուտքը՝ միջպետական մայրուղու «Սյունիքի զանգերի» հատվածը:
Տեղ համայքնում աշխատանքները մեկնարկել են ժամը 10:00-ից, կշարունակվի աղբավայրերի՝ երեկվանից սկսված փակումը:
Գորիսում եւս շաբաթօրյակի մասնակիցները դուրս են եկել ժամը 10:00-ից, նախատեսվում է մաքրել ու լվանալ քաղաքի հուշարձանները եւ բարեկարգել դրանց տարածքները, մաքրվում են քաղաքի խցանված առուները, փակվում չնախատեսված աղբավայրերը:
Սիսիանում շաբաթօրյակի են դուրս եկել 09:20-ից:
Տաթեւում մաքրվում է Շինուհայրով անցնող կենտոնական փողոցը եւ վանքին հարակից տարածքը, այստեղ նաեւ խոշոր միջոցառում է՝ «Ոչխարների խուզման» փառատոնը Խոտ գյուղում, այնպես որ, դրա տարածքը մաքրելու կարիք կլինի ավարտից հետո:
Սյունիքի մարզպետարանի աշխատակազմի տղամարդիկ մաքրում են Կապանի Գ.Նժդեհի անվան հուշամալիրը, կանայք աշխատանք են տանում մարզպետարանի տարածքում:
Աղբյուր՝ Սյունիքի մարզպետարան