ԱՎԵԼԻՆ

Հասարակական

Տեղ համայնքում նորակառույց անասնաբուժական կետ բացվեց
15:00 08.06.2019

Տեղ համայնքում նորակառույց անասնաբուժական կետ բացվեց

Սյունիքի մարզի Տեղ համայնքում այսօր բացվեց նորակառույց անասնաբուժական կետը:

Բացման արարողությանը ներկա էին Սյունիքի մարզպետ Հունան Պողոսյանը, ՀՀ-ում Շվեյցարիայի արտակարգ եւ լիազոր դեսպան Ն.Գ. Սթեֆանո Լազզարոտտոն, Տեղ համայնքի ղեկավար Ներսես Շադունցը, գործարարներ, բնակիչներ:

Անասնաբուժական կետը կառուցվել եւ կահավորվել է «Ռազմավարական զարգացման գործակալություն» (ՌԶԳ) ՀԿ-ի և Տեղի համայնքապետարանի համատեղ ջանքերով, Շվեյցարիայի զարգացման եւ համագործակցության գործակալության ֆինանսավորմամբ: 

Իր բացման խոսքում դեսպանը կարեւորեց այս համագործակցությունը, իսկ Սյունիքի մարզպետը ողջունեց բոլորին եւ նախաձեռնություններին աջակցելու պատրաստակամություն հայտնեց:

Օրակարգով նախատեսված միջոցառումների հաջորդ կանգառը Կոռնիձոր գյուղն էր, որտեղ այցելեցին «ԷԼՈԼԱ» ընկերության կաթի ընդունման կետ: Այն եւս կառուցվել է երկկողմ համագործակցության արդյունքում:

Ներկաները ծանոթացան կաթի մթերման գործընթացին, քննարկվեցին կաթի ընդունման պայմանները:

Աղբյուր՝ Տեղի համայնքապետարան

15:00 08.06.2019

Ամենաշատ ընթերցվածները