ԱՎԵԼԻՆ

Հասարակական

Թուրքական զինուժը Իրաքի հյուսիսում օդային հարվածներ է հասցրել PKK-ի ապաստարաններին
14:00 06.07.2019

Թուրքական զինուժը Իրաքի հյուսիսում օդային հարվածներ է հասցրել PKK-ի ապաստարաններին

Թուրքական զինուժը օդային հարձակում է իրականացրել հյուսիսիրաքյան Զապ շրջանի ուղղությամբ և վնասազերծել Քրդական աշխատավորական կուսակցության (PKK) 2 զինյալի:

Ինչպես հաղորդում է «Արմենպրես»-ը՝ վկայակոչելով թուրքական «Anadolu» լրատվական գործակալությունը, Թուրքիայի զինված ուժերի կողմից Իրաքի հյուսիսային շրջանում իրականցվող «Մագիլ» (Pençe) ռազմական գործողությունների շրջանակներում օդային հարձակման է ենթարկվել Իրաքի հյուսիսային Զապ շրջանը: Այս մասին տեղեկացրել է Թուրքիայի պաշտպանության նախարարությունը: Գործողության հարված է հասցվել միջոցով Քրդական աշխատավորական կուսակցության զինյալների ապաստարաններին, արդյունքում վնասազերծվել է 2 զինյալ: 

Թուրքական զինված ուժերի կողմից մայիսի 27-ից իրականցվում է «Մագիլ» (Pençe) անունը կրող ռազմական գործողությունը, որի նպատակն է վերացնել Իրաքի հյուսիսային հատվածներում գտնվող Քրդական աշխատավորական կուսակցության հենակետերը:

Աղբյուր՝ Արմենպրես

14:00 06.07.2019

Ամենաշատ ընթերցվածները