ԱՎԵԼԻՆ

Տնտեսական

Առողջապահության բյուջեն կավելանա շուրջ 21.7%-ով
16:00 01.11.2019

Առողջապահության բյուջեն կավելանա շուրջ 21.7%-ով

Հայաստանի Հանրապետությունում առողջապահությանն ուղղված բյուջեն կավելանա շուրջ 21.7%-ով: «Արմենպրես»-ի փոխանցմամբ՝ այս մասին նոյեմբերի 1-ին ՀՀ ազգային ժողովի մշտական հանձնաժողովների համատեղ նիստում 2020 թվականի պետական բյուջեի մասին օրենքի նախագծի քննարկման ընթացքում ասաց ՀՀ ֆինանսների նախարար Ատոմ Ջանջուղազյանը:

«Առողջապահության համար ակնկալվում է, որ 2020թ. պետական բյուջեի նախագծով կտրամադրվի 109 մլրդ դրամ, դա շուրջ 21.7%-ով կամ 19.4 մլրդ դրամով ավելի է 2019թ. հատկացումից»,- ասաց Ջանջուղազյանը:

ՀՀ Առողջապահության նախարար Արսեն Թորոսյանը նշեց, որ 2020թ. առողջապահության ոլորտում իրականացվող քաղաքականություն ուղղված է լինելու հանրային առողջապահական ծառայությունների հզորացմանը, հիվանդությունների կանխարգելմանը, առողջ կենսակերպի համար պայմանների ստեղծմանը:

Աղբյուրը՝ «Արմենպրես»

16:00 01.11.2019

Ամենաշատ ընթերցվածները