ԱՎԵԼԻՆ

Հասարակական

Ֆեյսբուքը 2019թ.-ին փակել է 5.4 միլիարդ կեղծ հաշիվ
14:00 14.11.2019

Ֆեյսբուքը 2019թ.-ին փակել է 5.4 միլիարդ կեղծ հաշիվ

Նախօրեին՝ նոյեմբերի 13-ին, Facebook սոցիալական ցանցը հայտնել է, որ այս տարվա ընթացքում փակել է մոտ 5.4 միլիարդ կեղծ հաշիվներ,  երեխաների նկատմամբ բռնության և ինքնասպանության վերաբերյալ միլիոնավոր գրառումներ՝ ի նշան սոցիալական մեդիայի կողմից մանիպուլյացիայի և ապատեղեկատվության դեմ շարունակական պայքարի։ Այս մասին գրում է CNN-ը։

2018թ.-ին փակվել էր 3,3 միլիարդ կեղծ հաշիվ։

Ապրիլ-սեպտեմբեր ընկած ժամանակահատվածում, Facebook-ի հաղորդմամբ, այն փակել է 3,2 միլիարդ կեղծ հաշիվներ:

«Մենք բարելավել ենք կեղծ, շահագործող հաշիվներ ստեղծելու փորձերը հայտնաբերելու և արգելափակելու մեր կարողությունը», - ասված է ինտերնետ-հսկայի թափանցիկության վերջին զեկույցում:

Ուսումնասիրված արդյունքներից մեկն էլ վերաբերում է ատելության խոսքին. Սոցիալական ցանցում հուլիսից սեպտեմբեր ընկած ժամանակահատվածում հեռացվել է ավելի քան 7մլն ատելության խոսք, որը 60 տոկոսով աճել է ապրիլ- հուլիսի համեմատ։

Աղբյուր` Panorama.am

14:00 14.11.2019

Ամենաշատ ընթերցվածները