ԱՎԵԼԻՆ

Հասարակական

Ավտովթար Սյունիքի մարզում. բախվել են 38-ամյա վարորդի 06-ն ու 15-ամյա դպրոցականի վարած Nissan-ը. 06-ի վարորդի դպրոցական տղան տեղափոխվել է հիվանդանոց
15:00 22.01.2020

Ավտովթար Սյունիքի մարզում. բախվել են 38-ամյա վարորդի 06-ն ու 15-ամյա դպրոցականի վարած Nissan-ը. 06-ի վարորդի դպրոցական տղան տեղափոխվել է հիվանդանոց

Երեկ՝ հունվարի 21-ին, ավտովթար է տեղի ունեցել Սյունիքի մարզում: Ժամը 14:20-ի սահմաններում Կապան քաղաքի Գ. Արզումանյան փողոցում բախվել են Քաջարանի բնակիչ՝ 38-ամյա Արմեն Ք.-ի վարած ВАЗ 21-06 մակնիշի 35 GN 298 համարանիշի և Կապանի բնակիչ՝ 15-ամյա Ալեն Բ.-ի վարած Nissan մակնիշի 36 GD 234 համարանիշի ավտոմեքենաները:

Ինչպես հայտնում է ֆոտոլրագրող Գագիկ Շամշյանը, վթարի հետևանքով ВАЗ 21-06-ի ուղևոր, Քաջարանի բնակիչ, 9-ամյա Կառլեն Ք.-ն մարմնական վնասվածքներով տեղափոխվել է Կապանի բժշկական կենտրոն:

Դեպքի վայր են ժամանել ճանապարհային ոստիկանության 2-րդ սպայական գումարտակի 6-րդ վաշտի 2-րդ դասակի ծառայողները՝ նույն վաշտի հետաքննիչ Կոստանյանի գլխավորությամբ, ում կողմից փաստի առթիվ նյութեր են նախապատրաստվում:

Գ. Շամշյանի տեղեկություններով՝ Nissan-ի վարորդ Ալեն Բ.-ն սովորում է Կապանի թիվ 5-րդ հիմնական դպրոցի 9-րդ դասարանում, իսկ վիրավոր Կառլեն Ք.-ն՝ Լեռնաձորի միջնակարգ դպրոցի 3-րդ դասարանում: Վերջինս ВАЗ 21-06-ի վարորդ Արմեն Ք-ի որդին է:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Աղբյուր՝ shamshyan.com

15:00 22.01.2020

Ամենաշատ ընթերցվածները