ԱՎԵԼԻՆ

Աշխարհ

Ապրիլի 4-ը Չինաստանում սգո օր է հայտարարվել
16:00 03.04.2020

Ապրիլի 4-ը Չինաստանում սգո օր է հայտարարվել

Չինաստանի Պետխորհուրդն ապրիլի 4-ը նոր տիպի կորոնավիրուսի հետևանքով մահացածների հիշատակին սգո օր է հայտարարել։ Չեղարկվել են զվարճանքի բոլոր միջոցառումները, չինական օտարերկրյա դեսպանատները կխոնարհեն դրոշները;

3 րոպե լռություն կլինի, ամբողջ երկրով մեկ էլ կմիացվեն ավտոմեքենաների, գնացքների, նավերի և ՀՕՊ ազդանշանները, գրում է «Նովայա Գազետան»։

2019-nCOV վիրուսով վարակի առաջին դեպքերը հայտնաբերվեցին դեռևս 2019-ի դեկտեմբերին Ուհանում, իսկ գագաթնակետը գրանցվեց հունվար-փետրվարին։ Ընդհանուր առմամբ, Չինաստանում վարակից մահացել է 3322 մարդ՝ 4 անգամ պակաս, քան այժմ Իտալիայում, և 3 անգամ պակաս՝ քան Իսպանիայում։

Հասնելով մոտ 80,000 վարակված նիշին մարտի սկզբին՝ աճը դադարեց, իսկ մարտի վերջին Չինաստանի իշխանությունները հայտարարեցին համաճարակի կանգի մասին։ Ապաքինվել է 76,000 մարդ։

Աղբյուրը՝ PanARMENIAN.Net

16:00 03.04.2020

Ամենաշատ ընթերցվածները