ԱՎԵԼԻՆ

Հասարակական

ԱԻՆ. Մեկ շաբաթում գրանցվել է 293 դեպք, արձանագրվել է 6 մահ
15:00 18.05.2020

ԱԻՆ. Մեկ շաբաթում գրանցվել է 293 դեպք, արձանագրվել է 6 մահ

Մայիսի 11-17-ն ԱԻՆ ՓԾ ճգնաժամային կառավարման ազգային կենտրոնում գրանցվել է 293 դեպք, որից 117-ը՝ արտակարգ, այդ թվում՝ 30 հրդեհի, հինգ փլուզման, երկու քարաթափման, մեկ ուժեղ կարկուտի դեպք, 54 ճանապարհատրանսպորտային պատահար, 11 ինքնասպանության փորձ, ինչպես նաև 111 կենցաղային կանչ. տուժել է 94 մարդ, իսկ փրկարարական օպերատիվ գործողությունների արդյունքում փրկվել է մեկ քաղաքացի: Արձանագրվել է թունավորման ինը դեպք. տուժել է 12 քաղաքացի: Նախորդ շաբաթվա ընթացքում ընդհանուր գրանցվել է 6 մահ: Տվյալները ներկայացրել է  արտակարգ իրավիճակների նախարարությունը։ 

Եղանակային պայմաններով և այլ գործոններով պայմանավորված գրանցվել է տրանսպորտային միջոցների արգելափակման 13 դեպք: Փրկարարներն օգնություն են ցուցաբերել 44 քաղաքացու և անվտանգ տարածք տեղափոխել ավտոճանապարհներին արգելափակված 15 տրանսպորտային միջոց:

ՀՀ ԱԻ նախարարությունը հորդորում է թե՛ կենցաղում, թե՛ ճանապարհներին լինել զգոն և խստորեն պահպանել անվտանգության կանոնները:

Աղբյուր` Panorama.am

15:00 18.05.2020

Ամենաշատ ընթերցվածները