ԱՎԵԼԻՆ

Հասարակական

Գորիսի կենտրոնական հատվածի պատմա-մշակութային միջավայրի վերականգնումն ընթացքի մեջ է
10:00 25.05.2020

Գորիսի կենտրոնական հատվածի պատմա-մշակութային միջավայրի վերականգնումն ընթացքի մեջ է

Գորիս քաղաքի կենտրոնական հատվածի պատմա-մշակութային միջավայրի վերականգնման շինարարական եռուզեռը ընթացքի մեջ է: Այս պահին փոխվում են թիվ 1 ՆՈՒՀ-ի տանիքը, լուսամուտները , պատշգամբը նորոգվոմ է : Հիշեցնենք, որ Հայաստանի Հանրապետության Տեղական տնտեսություն և ենթակառուցվածքների զարգացման ծրագրի շրջանակներում վերականգնվում է Գորիսի պատմական կենտրոնը։ Ծրագրի շրջանակներում իրականացվում են՝
- Պատմական բնակելի տների վերականգնում։
Կվերանորոգվեն հին պատմական շինությունների տանիքները, կոլորիտային պատշգամբները, կենտրոնում գործող առևտրային կենտրոնների դռները, բնակելի և հասարակական շինությունների պատուհանները։ Կիրականացվեն պատմական շինությունների ճակատային հատվածի վերականգնման և գեղարվեստական սվաղման/բարքաշի վերականգնում/ աշխատանքներ։
- Գորիս քաղաքի կենտրոնական հատվածի պատմա-մշակութային միջավայրի վերականգնում
Գուսան Աշոտ (620 մ), Կոմիտաս (469 մ), Մակիչ (281 մ), Օրբելյան (182 մ), Մաշտոց (341 մ), Անկախության (134 մ), Տաթևացի (341 մ) փողոցների վերականգնում և արտաքին լուսավորության իրականացում:
Փողոցների ճանապարհային և մայթերի հատվածները կկառուցվեն բազալտե և բետոնե սալիկներից: Վերականգնվող փողոցներում ամբողջությամբ կփոխվեն գլխավոր ջրագծերը, գլխավոր կոյուղագծերը, էլ սնուցման ցանցը։ Ընթացքի մեջ են նաև Վարարակն գետի մաքրման աշխատանքերը:

Աղբյուր՝ Գորիսի համայնքապետարան

10:00 25.05.2020

Ամենաշատ ընթերցվածները