Տնտեսական
Դիմակների գնանկում՝ ՏՄՊՊՀ-ի գործողությունների արդյունքում
«ՏՄՊՊՀ-ն հիմա վարույթ է հարուցել և մենք հույս ունենք, համոզված ենք, որ պրոցեսը կշարունակվի: Խոսքը դիմակների գնանկման մասին է»,- կառավարության նիստը հեռավար վարելու ընթացքում հայտնեց վարչապետ Նիկոլ Փաշինյանը:
Նրա խոսքով, վերջին շրջանում ՀՀ տնտեսական մրցակցության պաշտպանության պետական հանձնաժողովի գործողությունների արդյունքում դիմակների որոշակի գնանկում է նկատվել։
«Ես գիտեմ, որ դիմակների պարտադիր լինելը սոցիալական բեռ է, բայց ոչ ոք այսօր չի ասում՝ ակնոցը թանկ է, դրա համար չեմ կրելու: Սա էլ ակնոցի նման բան է, որովհետև մենք այս իմաստով կույր ենք և չգիտենք, դիմացինը վարակակիր է, թե ոչ»,- հավելեց Նիկոլ Փաշինյանը:
Աղբյուր` Panorama.am