Արցախ
Արցախում կորոնավիրուսի 1 նոր դեպք է հաստատվել
Արցախի Հանրապետությունում օգոստոսի 1-ի դրությամբ՝ կորոնավիրուսի 1 նոր դեպք է հաստատվել: «Արմենպրես»-ի փոխանցմամբ՝ այս մասին հայտնում է Արցախի տեղեկատվական շտաբը, հղում անելով երկրի Առողջապահության նախարարության տվյալներին։
Վարակակիրը Ստեփանակերտում հաստատված օջախներից մեկի կոնտակտավոր է: Թեստավորումների նպատակով 142 նմուշառում է իրականացվել:
Արցախում մինչ օրս COVID-19-ը ախտորոշվել է 237 մարդու մոտ, որից 167-ը ապաքինվել է: Փաստացի բուժում է ստանում 69, ընդհանուր մեկուսացված է 124 քաղաքացի:
Մինչև այսօր իրականացվել է 5 833 փորձանմուշի հետազոտություն:
Արցախում կորոնավիրուսից մահվան դեպք չի արձանագրվել: Արձանագրվել է մահվան մեկ դեպք, երբ քաղաքացու մոտ ախտորոշվել է կորոնավիրուսային հիվանդություն, սակայն մահը վրա է հասել այլ պատճառով:
Նորայր Շողիկյան
Աղբյուրը՝ «Արմենպրես»