Քաղաքական
Սասնա ծռերի գործով նիստն ընդմիջվեց
Ավան և Նոր Նորք վարչական շրջանների ընդհանուր իրավասության դատարանում դատավոր Արտուշ Գաբրիելյանի նախագահությամբ շարունակվում է «Սասնա ծռեր» խմբի անդամների գործով դատական նիստը:
«Հայկական ժամանակ» օրաթերթը նշում է, որ խմբի անդամներից նիստերի դահլիճ չէին ներկայացվել Արայիկ Խանդոյանը (Միայնակ գայլ), Գագիկ Եղիազարյանը: Նրանց նկատմամբ նախորդ նիստերից մեկում դատարանը սանկցիա էր կիրառել՝ նիստերի դահլիճից հեռացում:
Նիստը սկսվելուն պես նախագահող դատավոր Արտուշ Գաբրիելյանն ասել է, որ մի քանի պաշտպաններ, մասնավորապես Արայիկ Պապիկյանը, Հայկ Ալումյանը, Լուսինե Սահակյանը, Մուշեղ Շուշանյանը դատական նիստին չեն ներկայացել: Ասել է, որ երեք փաստաբանից դատարանը դիմում է ստացել, սակայն այն չի հրապարակել:
Ինչ վերաբերում է Մուշեղ Շուշանյանին, ապա փաստաբաններից Արա Ղարագյոզյանն ասել է, որ Շուշանյանին նիստից առաջ փորձել են խուզարկել, ինչից հրաժարվել է և չի կարողացել մտնել նիստերի դահլիճից:
Լուսանկարը՝ ArmeniaSputnik.am-ի