Քաղաքական
Արցախի հանրապետության նախագահ է վերընտրվել Բակո Սահակյանը
Բակո Սահակյանն այսօր վերընտրվել է Արցախի հանրապետության նախագահ: Այս մասին տեղեկանում ենք «Ազատություն» ռադիոկայանի կայքից:
Ընտրությունը կայացավ Ղարաբաղի Ազգային ժողովի հատուկ նիստում. Բակո Սահակյանի օգտին քվեարկեց 28, նրա միակ մրցակից, Ստեփանակերտի նախկին քաղաքապետ, պատգամավոր Էդուարդ Աղաբեկյանի օգտին՝ 4 պատգամավոր:
Հիշեցնենք, որ Արցախի խորհրդարանի երեք խոշորագույն խմբակցությունները՝ «Հայրենիք»-ը, ՀՅ Դաշնակցությունը և «Ժողովրդավարություն»-ը, ընտրություններում սատարում էին Արցախն արդեն տասը տարի ղեկավարող Բակո Սահակյանին, ընդդիմադիր «Շարժում 88»-ը՝ խմբակցության ղեկավար Էդուարդ Աղաբեկյանին:
Բակո Սահակյանը Արցախը կշարունակի ղեկավարել նաև անցումային եռամյա փուլում՝ մինչև փոփոխված Սահմանադրության ամբողջապես կյանքի կոչվելը:
2020 թվականին Ղարաբաղում կանցկացվեն խորհրդարանական և նախագահական ընտրություններ:
Լուսանկարը՝ Dialogue.am-ի