Քաղաքական
«Անհրաժեշտ պահերին կցուցադրենք նոր զենքերի կիրառության արդյունավետությունը». ՀՀ ՊՆ խոսնակ
«Անհրաժեշտ պահերին մենք, ինչպես ցույց ենք տվել, այնպես էլ կցուցադրենք նոր զենքերի կիրառության արդյունավետությունը»,- Ֆեյսբուքում գրել է ՀՀ Պաշտպանության նախարարության մամլո խոսնակ Արծրուն Հովհաննիսյանը՝ հավելելով․- «Փաստաթղթավորումն էլ կլինեն այդ արդյունավետության արձագանքները»:
«Ադրբեջանական քարոզչության պատվիրատուները կեղծ օգտատերերի հնարած լուրերով մարտական ոգուց խոսելուց հետո հիմա էլ անցել են զենքերի կիրառման մասին միջազգային պայմանագրերին: Փորձում են ադրբեջանցի մայրերին համոզել, որ հայերը ոչ միայն դուխ չունեն, նաև նոր ձեռք բերվող զենքերի կիրառման իրավունքը չունեն:
Սույն մոլորյալներին խորհուրդ ենք տալիս անհատապես դա բացատրել մահացող, բայց թաքցրած ադրբեջանցի զինվորների ծնողներին: Այն զինվորների, որոնք մահանում են հայկական արկերից, հայկական դիպուկահարներից և այլն»,- շեշտել է Հայաստանի ռազմական գերատեսչության խոսնակը:
Հիշեցնենք՝ հունիսի 28-ի ասուլիսի ժամանակ ՀՀ Պաշտպանության նախարար Վիգեն Սարգսյանը մասնավորապես հայտարարել էր․- «Վերջին տասն օրվա ընթացքում արդեն հաստատված տվյալներով մեր կողմից ադրբեջանական կողմը ունի առնվազն հաստատված 8 զոհ, չհաստատված թիվը շատ ավելի մեծ է: Այդ 8 զոհից դեռևս ոչ մեկ հուղարկավորված չի մեր տվյալներով ադրբեջանական մամուլում որևէ լուր այդ 8 զոհի մասին մինչ օրս չկա»:
Լուսանկարը՝ Lragir.am-ի
Հարակից նյութեր
Ամենաշատ ընթերցվածները
