Քաղաքական
Իսրայելում ցույցերի ու բախումների հետևանքով մահացել է 6 մարդ
Երուսաղեմի Տաճարի լեռան վրա անվտանգության նոր միջոցառումների պատճառով Իսրայելի և Պաղեստինի միջև լարվածության էսկալացիան վերաճել է բռնության, որի հետևանքով մահացել է վեց մարդ՝ երեք պաղեստինցի և երեք իսրայելցի: Այս մասին հայտնում է Associated Press-ը, որին էլ հղում է կատարում Tert.am-ը:
Հայտնի է, որ անվտանգության միջոցառումների ուժեղացումը դարձել է անցած շաբաթ երկու իսրայելցի ոստիկանի սպանության արձագանքը: Երեք զինված անձինք, որոնք համարվում են իսրայելաբնակ արաբներ, Տաճարի լեռան տարածքն օգտագործել են հարձակման համար և փորձել այնտեղ թաքնվել հետապնդումից: Դրանից հետո Իսրայելը Տաճարի լեռան վրա մետաղորսիչներ է տեղադրել։
Հուլիսի 21-ին արաբները զանգվածային աղոթքներ են կազմակերպել Երուսաղեմի փողոցներում՝ հրաժարվելով Տաճարի լեռան մզկիթների մոտ բարձրանալ անվտանգության նկատառումներով տեղադրված մետաղորսիչների միջով:
Լուսանկարը՝ SputnikNews.com-ի