ԱՎԵԼԻՆ

Քաղաքական

«ԱՊՀ հարթակում Երևանի ակտիվության նվազում նկատվել է»․ ՌԴ փոխարտգործնախարար
11:44 08.02.2024

«ԱՊՀ հարթակում Երևանի ակտիվության նվազում նկատվել է»․ ՌԴ փոխարտգործնախարար

Մոսկվան ԱՊՀ-ում պառակտման նշաններ չի տեսնում, РИА Новости-ին տված հարցազրույցում հայտարարել է Ռուսաստանի փոխարտգործնախարար Ալեքսանդր Պանկինը ՝ պատասխանելով այն հարցին, թե կարող է արդյոք Հայաստանը հետևել Մոլդովայի օրինակին և մտածել համագործակցությունից դուրս գալու մասին:

Հայաստանը Ռուսաստանի կարևոր գործընկերն Է ԱՊՀ-ում և համագործակցության շահագրգիռ անդամ, նշել է դիվանագետը:

«Որոշակի փուլում իսկապես տեղի է ունեցել Երևանի ակտիվության նվազում ԱՊՀ հարթակում։ Սակայն ընդհանուր առմամբ տարվա արդյունքները կարելի է դրական համարել. հայկական կողմը միացել է 2023 թվականի հոկտեմբերի 13-ին Բիշքեկում կազմակերպության գագաթնաժողովի որոշումների մեծամասնությանը, պաշտպանել Է Համագործակցության կանոնադրական մարմինների՝ անցյալ տարի ընդունված գրեթե բոլոր համատեղ հայտարարությունները», - ասել է նա։

«Այս առումով մենք կազմակերպությունում որևէ «պառակտման» նշաններ չենք տեսնում։ Ընդհակառակը, չնայած աշխարհաքաղաքական բարդ իրավիճակին, ԱՊՀ շրջանակներում փոխգործակցությունը շարունակում է զարգանալ բոլոր ուղղություններով։ «Ռուսաստանի և Բելառուսի վրա աննախադեպ պատժամիջոցների ճնշումը միայն ամրապնդում է համագործակցության մեջ բազմակողմ կապերի ամրապնդման կարևորության ըմբռնումը, ներառյալ տնտեսական ինտեգրման խորացումը», - ասել է դիվանագետը:

«ԱՊՀ ձևաչափում առկա մեխանիզմները, որոնք թույլ են տալիս երկրներին ինքնուրույն որոշել ներգրավվածության աստիճանը կազմակերպության գործերին, պայմաններ են ստեղծում համագործակցության հետագա խորացման համար», - ընդգծել է նա։

Հիշեցնենք, որ Մոլդովայի արտաքին քաղաքականության և եվրաինտեգրման խորհրդարանական հանձնաժողովի նախագահ Դոյնա Գերմանը հայտարարել էր, որ հանրապետությունը վերջնականապես դուրս կգա ԱՊՀ-ից մինչև 2024 թվականի վերջը:

Աղբյուրը՝ Yerkir.am


11:44 08.02.2024

Ամենաշատ ընթերցվածները