Հասարակական
Ռուստամ Մադոյանը հաղթել է խառը մենամարտերի Fight Nights Global 79 մրցաշարում
Ռուսաստանի Տամբով քաղաքի բնակիչ 26-ամյա Ռուստամ Մադոյանը հաղթել է խառը մենամարտերի Fight Nights Global 79 միջազգային մրցաշարում, գրում է rusarminfo.ru-ն, փոխանցում է «Հայկական ժամանակ»-ը:
Մրցաշարը կայացել է Պենզայում նոյեմբերի 19-ին:
Մադոյանն առաջին իսկ ռաունդում նոկաուտի է ենթարկել իր մրցակից 28-ամյա Միխայիլ Լեբեդևին: Հայ մարզիկի մենամարտն ամենակարճն է եղել մրցաշարում:
Ռուստամ Մադոյանը մարտական սամբոյի սպորտի վարպետ է, խառը մենամարտերում Տուլայի չեմպիոն, ինչպես նաև Տամբովի շրջանի բազմակի չեմպիոն նույն մարզաձևում, ինչպես նաև ձեռնամարտում, մարտական սամբոյում և ձյուդոյում:
Լուսանկարը՝ ExpertMMA.ru-ի