Քաղաքական
Հայրիկյանը դադարեցրեց հացադուլը
Ազգային ինքնորոշում միավորման առաջնորդ Պարույր Հայրիկյանն այսօր՝ նոյեմբերի 24-ին, դուրս եկավ 5 օր տևած հացադուլից ու կոչ արեց քաղաքագետ Գագիկ Սարուխանյանին, որպեսզի վերջինս էլ դադարեցնի հացադուլը: Այս մասին Հայրիկյանը լրագրողներին տեղեկացրել է ԿԸՀ-ի դիմաց, երբ հայտարարեց, որ ԿԸՀ նախագահի դեմ գլխավոր դատախազություն հաղորդում է տալու: Փոխանցում է «Հայկական ժամանակ» օրաթերթը:
«Վերցնում ենք ծիրանի հյութ, ջրով բացում ենք ու կամաց-կամաց խմում: Տարբեր ձևեր կան, բայց ծիրանն ավելի լավ է, ծիրան, հատկապես սև դամբուլ, բայց ջրով խառնած, քիչ-քիչ քանակությամբ»,- հացադուլից դուրս գալու ընթացակարգը Գագիկ Սարուխանյանին ներկայացրել է Պարույր Հայրիկյանը:
Մինչ այս ԱԻՄ առաջնորդը ԿԸՀ-ի դիմաց հայտարարել էր, որ ԿԸՀ նախագահ Տիգրան Մուկուչյանի դեմ հաղորդում է ներկայացնել գլխավոր դատախազություն՝ պահանջելով քրեական հետապնդում սկսել այն բանի համար, որ վերջինս իրեն չի տրամադրել սահմանադրական հանրաքվե կազմակերպելու համար նախատեսված ձևաթուղթը:
Շարունակությունը՝ այստեղ:
Լուսանկարը՝ Azatutyun.am-ի