Քաղաքական
Մեծ Բրիտանիայի ԱԳ նախարարը վերջին հինգ տարիների ընթացքում առաջին անգամ այցելում է Մոսկվա
Մեծ Բրիտանիայի արտգործնախարար Բորիս Ջոնսոնը Մոսկվայում բանակցություններ է վարել Ռուսաստանի արտգործնախարար Սերգեյ Լավրովի հետ:
Մինչ հանդիպման մեկնարկը Ջոնսոնն ասել է, որ չնայած երկկողմ հարաբերություններում առկա խնդիրներին՝ Ռուսաստանը և Բրիտանիան պետք է միասին աշխատեն «հանուն խաղաղության և անվտանգության»:
Լավրովի խոսքերով Մոսկվան ցանկանում է, որպեսզի բանակցությունները հանգեցնեն երկկողմ կապերը վերականգնելու կոնկրետ քայլերի: Նա նշել է, որ երկու երկրների հարաբերությունները գտնվում են «ծայրահեղ ցածր» մակարդակի վրա: Փոխանցում է «Ազատություն» ռադիոկայանը:
Ակնկալվում է, որ նախարարները քննարկելու են նաև Հյուսիսային Կորեային, Իրանին, Սիրիային և Ուկրաինային առնչվող խնդիրները:
Այցի նախօրեին Ջոնսոնը հայտարարել էր, որ Ռուսաստանը պետք է վերջ տա «Եվրոպայում իրավիճակը ապակայունացնելու փորձերին»:
2012 թվականից հետո սա Մեծ Բրիտանիայի արտգործնախարարի առաջին այցն է Ռուսաստան:
Լուսանկարը՝ Tass.ru-ի