Հասարակական
Կապան-Գորիս ավտոճանապարհին մեքենան բախվել է ճամփեզրի արգելապատնեշին
Դեկտեմբերի 22-ին՝ ժամը 23:58-ին, ահազանգ է ստացվել, որ Սյունիքի մարզի Կապան քաղաքի «Սովխոզ» կոչվող տարածքում տեղի է ունեցել ՃՏՊ, ավտոմեքենայից ծուխ է նկատվում:
Դեպքի վայր է մեկնել մեկ մարտական հաշվարկ:
Պարզվել է, որ Մ-2 ավտոճանապարհի Կապան-Գորիս հատվածի 3-րդ կմ-ին Nissan Teana մակնիշի 34 ZS 006 պետհամարանիշով ավտոմեքենան (վարորդ՝ Ա. Շ.) դուրս է եկել ճանապարհի երթևեկելի հատվածից և բախվել ճամփեզրի արգելապատնեշին. տուժածներ չկան:
Փրկարարները հոսանքազրկել են ավտոմեքենան և փակել գազի բալոնի փականը:
ՀՀ ԱԻՆ Տեղեկատվության և հասարակայնության հետ կապերի վարչություն