Աշխարհ
Պուտինը շնորհավորել է Ալիեւի 56-րդ տարեդարձը և նրան Ռուսաստանի բարեկամ անվանել
Ռուսաստանի նախագահ Վլադիմիր Պուտինը դեկտեմբերի 24-ին շնորհավորել է Ադրբեջանի նախագահ Իլհամ Ալիևին ծննդյան 56-րդ տարեդարձի առթիվ:
Ինչպես հայտնում է gazeta.ru-ն, փոխանցում «Հայկական ժամանակ»-ը՝ շնորհավորական ուղերձում Պուտինն Ալիևին որակել է որպես Ռուսաստանի բարեկամ, ով անձնական մեծ ներդրում է ունեցել երկկողմ հարաբերությունների զարգացման հարցում:
«Որպես ՌԴ իսկական ընկեր՝ Դուք անձնական մեծ ներդրում եք կատարել ռազմավարական գործընկերների հարաբերությունների ամրապնդման համար: Ջերմորեն եմ հիշում մեր՝ վերջերս կայացած հանդիպումները Սոչիում և Թեհրանում»,- նշել է նա:
Նշվում է, որ ՌԴ նախագահն Ադրբեջանի նախագահին նաև մաղթել է ամուր առողջություն, երջանկություն, բարեկեցություն ու հաջողություններ:
Լուսանկարը՝ Yerakouyn.com-ի