Քաղաքական
«Արտերկրում ռազմակայանների ստեղծումը Ռուսաստանի համար ինքնանպատակ չէ». Լավրով
«Արտերկրում ռազմակայանների ստեղծումը Մոսկվայի համար ինքնանպատակ չէ»,- РИА Новости գործակալությանը տված հարցազրույցում հայտարարել է Ռուսաստանի արտաքին գործերի նախարար Սերգեյ Լավրովը: Նրա խոսքով այդ խնդրում Մոսկվայի քաղաքականությունը տարբերվում է Արևմուտքի գործելաոճից: Փոխանցում է «Ազատություն» ռադիոկայանը:
«Ի տարբերություն այլ երկրների՝ մենք ռազմական էքսպանսիայի կողմնակիցներ չենք: Արտերկրում, այդ թվում ասենք Լատինական Ամերիկայում, ռազմակայանների ստեղծումը հանուն ուժի տարածման մեզ համար ինքնանպատակ հանդիսանալ չի կարող: Իսկ Արևմուտքի, նախևառաջ ՆԱՏՕ-ի քայլերը Մոսկվայում լուրջ մտահոգության տեղիք են տալիս: Խոսքը նախևառաջ Ռուսաստանի սահմանների երկայնքով ռազմական ենթակառույցների ստեղծման և Եվրոպայում ԱՄՆ հակահրթիռային պաշտպանության համակարգի [բաղադրիչների] տեղակայման մասին է»,- նշել է Լավրովը:
Լուսանկարը՝ Fakty.ictv.ua-ի