Հասարակական
Քաջարանում Ամանորի միջոցառումների մեկնարկը տրված է
Բարձր տրամադրությամբ ու հրավառությամբ դեկտեմբերի 26-ի երեկոյան Քաջարանի համայնքապետ Մանվել Փարամազյանի գլխավորությամբ վառվեցին Քաջարան համայնքի գլխավոր տոնածառի լույսերը: Նոր սպասումներով և դրական ակնկալիքներով բազմաթիվ քաջարանցիներ էին եկել՝ մասնակցելու միջոցառմանը:
Քաջարանի համայնքապետ Մանվել Փարամազյանը շնորհավորեց ներկաների գալիք Նոր Տարին և Սուրբ Ծնունդը՝ մաղթելով հաջողություն, ամենայն բարիք, ինչպես նաև շնորհակալություն հայտնեց «Զանգեզուրի պղնձամոլիբդենային կոմբինատ» ՓԲԸ-ի ղեկավարությանը մշտապես քաղաքի կողքին գտնվելու համար:
Քաջարանի համայնքապետի խորհրդական Արմենակ Հայրապետյանի տեղեկացմամբ տոնական միջոցառումներ տեղի կունենան խոշորացված համայնքի բոլոր բնակավայրերում, դպրոցներում և մանկապարտեզներում՝ հագեցած տարատեսակ երաժշտական և թատերային ներկայացումներով: Նրա խոսքով դեկտեմբերի 31-ին տեղի կունենա տոնական միջոցառման գլխավոր տոնահանդեսը:
Տոնածառի լույսերի միացման տոնական միջոցառումն ուղեկցվեց համերգային ծրագրով, հրավառությամբ, հյուրասիրությամբ: Տոնական զարդարանք է հաղորդվել նաև քաղաքի մյուս հատվածներին, լուսավորություն է ստացել ամբողջ քաղաքը:
Թագուհի Մաթևոսյան
Zangezur.TV