Հասարակական
Մխիթարյանը կարող է լքել ՄՅՈւ-ն հունվարին
Անգլիական «Մանչեսթեր Յունայթեդ»-ի գլխավոր մարզիչ Ժոզե Մոուրինյոն ասել է, որ Հայաստանի ազգային հավաքականի և ակումբի կիսապաշտպան Հենրիխ Մխիթայանին կթույլատրվի լքել ՄՅՈւ-ն հունվարին: Այս մասին գրում է The People's Person պարբերականը, որին հղումով փոխանցում է PanARMENIAN.Net-ը:
«Իմ մոտեցումը հետևյալն է՝ ամեն ֆուտբոլիստ իր գինն ունի: Իսկ ես՝ որպես ղեկավար, հասկանում եմ դա»,- ասել է պորտուգալացի մարզիչը:
Նա ասել է, որ տրանսֆերային պատուհանը նաև այն ակումբների համար է, որոնք հետաքրքրված են ՄՅՈւ-ի խաղացողներով:
Մոուրինյոն ասել է, որ հայ ֆուտբոլիստ Մխիթարյանը, հնարավոր է, դաշտ դուրս գա «Սթոք Սիթի»-ի հետ խաղում:
«Նա մեր լավագույն խաղացողներից է»,- ասել է մարզիչը Մխիթարյանի մասին:
Ավելի վաղ լուրեր շրջանառվեցին այն մասին, որ Մոուրինյոն ցանկանում է €28 մլն-ով գնել «Արսենալի» ֆուտբոլիստ Ալեքսիս Սանչեսին՝ գործարքում ներառելով նաև Հենրիխ Մխիթարյանին:
Լուսանկարը՝ Mirro.co.uk-ի