Քաղաքական
Ակնա-Հինդարխ ճանապարհահատվածում ԵԱՀԿ դիտարկումն անցել է առանց միջադեպերի
Հունվարի 16-ին Արցախի Հանրապետության իշխանությունների հետ ձեռք բերված պայմանավորվածության համաձայն՝ ԵԱՀԿ առաքելությունը հրադադարի ռեժիմի պլանային դիտարկում է անցկացրել Արցախի և Ադրբեջանի սահմանին՝ Ակնա-Հինդարխ ճանապարհահատվածում։
Արցախի Հանրապետության պաշտպանության բանակի դիրքերից դիտարկումն իրականացրել են ԵԱՀԿ գործող նախագահի անձնական ներկայացուցչի (ԳՆԱՆ) դաշտային օգնական Միխայիլ Օլարուն (Մոլդովա) և ԳՆԱՆ գրասենյակի աշխատակից Մարտին Շուստերը (Գերմանիա)։
Սահմանի հակառակ կողմից դիտարկումն անցկացրել են ԵԱՀԿ ԳՆԱՆ դաշտային օգնական Գենադիե Պետրական (Մոլդովա):
Դիտարկումն անցել է ըստ նախատեսված ժամանակացույցի:
Դիտարկման առաքելությանն արցախյան կողմից ուղեկցել են Արցախի Հանրապետության ԱԳՆ և ՊՆ ներկայացուցիչները:
Արցախի Հանրապետության ԱԳՆ մամուլի ծառայություն