Քաղաքական
Ֆրանսիայի և Ադրբեջանի ԱԳ նախարարները քննարկել են ԼՂ հակամարտությունը
Ադրբեջանի արտգործնախարար Էլմար Մամեդյարովը Ֆրանսիա կատարած աշխատանքային այցի շրջանակում հանդիպել է երկրի արտգործնախարար Ժան Իվ Լը Դրիանին:
Ադրբեջանի ԱԳՆ մամուլի ծառայությունից հայտնում են, «Հայկական ժամանակ»-ը փոխանցում է, որ նախարարները քննարկել են Լեռնային Ղարաբաղի հակամարտության կարգավորման գործընթացը:
Մամեդյարովը տեղեկացրել է իր գործընկերոջը հակամարտության շուրջ բանակցային գործընթացի վերջին զարգացումների մասին: Նա նշել է, որ Ադրբեջանը կողմ է հակամարտության շուտափույթ և փուլային կարգավորման նպատակով առարկայական, ինտենսիվ բանակցություններին:
Նա ասել է, որ ՄԽ համանախագահների հետ համատեղ ջանքեր կգործադրի այդ ուղղությամբ:
Լուսանկարը՝ Diplomatie.gouv.fr-ի