Հասարակական
Բաքվի կենտրոնում վաղ առավոտից այրվում է բնակելի շենք
Բաքվի կենտրոնում այրվում է 4 հարկանի բնակելի շենք, գրում են ադրբեջանական լրատվամիջոցները, որոնց հղումով փոխանցում է «Հայկական ժամանակ»-ը:
Հրդեհի մարման աշխատանքներին մասնակցում է ավելի քան 10 հրշեջ մեքենա։ Տեղում աշխատում են նաև շտապօգնության մեքենաներ։
Քամին խոչընդոտում է հրշեջների աշխատանքը: Շենքի բոլոր բնակիչները տարհանվել են: Տուժածներ չկան:
Հրդեհի մասին ահազանգը ստացվել է առավոտյան 08:29-ին: Ադրբեջանի ԱԻՆ հակահրդեհային ծառայության ղեկավար Ֆյուզուլի Ասադովի խոսքով, հրդեհը բռնկվել է տանիքում ինչ-որ իրերի այրման հետևանքով: Այրվում է 2,000 մ2 տարածք:
Լուսանկարը՝ News.az-ի