Քաղաքական
«Այժմ 4-5 կմ է մնացել, մտնում ենք Աֆրինի կենտրոն». Էրդողան
Թուրքիայի նախագահ Ռեջեփ Թայիփ Էրդողանը հայտարարել է, որ թուրքական ԶՈւ-ն ամեն վայրկյան կարող է մտնել սիրիական Աֆրին շրջանի նույնանուն շրջկենտրոն-քաղաք, այս մասին գրում է «ՀաբերԹյուրք»-ը, որին հղումով փոխանցում է Tert.am-ը:
«Շատ լավ ենք առաջ ընթանում, ու է՛լ ավելի լավ է լինելու: Այժմ 4-5 կմ է մնացել, մտնում ենք Աֆրինի կենտրոն: Այս պահի դրությամբ ոչնչացրել ենք 3.300 քուրդ ահաբեկչի»,- ասել է Էրդողանը:
Միևնույն ժամանակ մի շարք իրավապաշտպաններ ահազանգում են Աֆրինում սպասվող լայնամասշտաբ կոտորածի մասին և նշում, որ ՄԱԿ-ը պետք է անհապաղ միջոցներ ձեռնարկի աֆրինյան ողբերգությունը կանխելու համար, գրում է gazeteduvat.com.tr-ը:
Լրատվակայքը հիշեցնում է, որ հունվարի 20-ին թուրքական ԶՈւ-ն սկսել է Սիրիայի հյուսիսում գտնվող քրդական ազգային զինված ջոկատների (PYD/YPG) դեմ ռազմական գործողությունը, որը ստացել է «Ձիթենու ճյուղ» անվանումը: