ԱՎԵԼԻՆ

Հասարակական

««Միլան»-ի նկատմամբ տարած հաղթանակը վստահություն հաղորդեց մեզ». Հենրիխ Մխիթարյան
15:55 12.03.2018

««Միլան»-ի նկատմամբ տարած հաղթանակը վստահություն հաղորդեց մեզ». Հենրիխ Մխիթարյան

Անգլիայի առաջնության 30-րդ տուրում «Ուոթֆորդ»-ին հաղթելուց հետո Լոնդոնի «Արսենալ»-ի հայ կիսապաշտպան Հենրիխ Մխիթարյանը հարցազրույց է տվել, փոխանցում է Tert.am-ը:

«Իհարկե, նախորդ երեք խաղերում պարտվելուց հետո այսօր շատ դժվար էր մեզ համար: Պետք է ուժ գտնեինք ցուցարդելու երկրպագուներին, որ դա պարզապես պատահար էր: «Միլան»-ի հետ խաղից հետո որոշակի վստահություն էինք ձեռք բերել և դրանից օգտվեցինք այսօր:

Շնորհակալություն Պետր Չեխին 11-մետրանոց հարվածից հետո մեզ փրկելու համար: Դա շատ կարևոր էր, քանի որ կարող էր փոխել խաղի ելքը, և մրցակիցը կարող էր նաև երկրորդ գնդակը խփել: Այդ դրվագից հետո ավելի վստահ դարձանք և կարողացանք երրորդ գնդակն էլ խփել:

Միշտ վայելում եմ Օբամեյանգի հետ խաղալը, դա յուրահատուկ բան է: Պետք է շարունակենք նման ոգով և որքան հնարավոր է շատ գոլի հեղինակ դառնանք:

Մենք միշտ խաղում ենք երկրպագուների համար, շնորհակալություն բոլոր նրանց, ովքեր իսկական ֆանատ են և գալիս են ստադիոն: Նրանց, ովքեր գալիս են ստադիոն միայն հաղթանակների համար, բան չունեմ ասելու»,- ասել է Մխիթարյանը:

Լրատվակայքը հիշեցնում է, որ այդ խաղում 29-ամյա ֆուտբոլիստը դարձել էր գոլի և գոլային փոխանցման հեղինակ:

Լուսանկարը՝ Cityam.com-ի

15:55 12.03.2018

Ամենաշատ ընթերցվածները