ԱՎԵԼԻՆ

Քաղաքական

Հայաստանի ԱԳ նախարարը հանդիպում ունեցավ Շվեդիայի պետքարտուղարի հետ
17:35 13.03.2018

Հայաստանի ԱԳ նախարարը հանդիպում ունեցավ Շվեդիայի պետքարտուղարի հետ

Ստոկհոլմում պաշտոնական այցելությամբ գտնվող արտգործնախարար Էդվարդ Նալբանդյանը հանդիպում ունեցավ Շվեդիայի պետքարտուղար Մաց Անդերսոնի հետ։

Հանդիպմանը քննարկվեցին հայ-շվեդական հարաբերությունների օրակարգային մի շարք հարցեր, մտքեր փոխանակվեցին տարբեր բնագավառներում երկու երկրների միջև համագործակցության առավել խորացման ուղիների, իրավապայմանագրային դաշտի ընդայնման, առևտրատնտեսական փոխգործակցության խորացման նպատակով ձեռնարկվող քայլերի շուրջ:

Հանդիպման օրակարգում էին Հայաստան-Եվրամիություն հարաբերությունների, ԵՄ տարբեր ծրագրերին Հայաստանի մասնակցության, ՀՀ-ԵՄ Համապարփակ և ընդլայնված համաձայնագրի ստորագրմամբ ընձեռվող հնարավորությունների վերաբերյալ հարցեր:

Էդվարդ Նալբանդյանը ներկայացրեց ղարաբաղյան հիմնախնդրի բացառապես խաղաղ կարգավորմանն ուղղված Հայաստանի և ԵԱՀԿ Մինսկի խմբի համանախագահ երկրների համատեղ ջանքերը: 

ՀՀ ԱԳՆ Մամուլի, տեղեկատվության և հասարակայնության հետ կապերի վարչություն

17:35 13.03.2018

Ամենաշատ ընթերցվածները