Քաղաքական
«ԼՂ-ի հարցը դեռևս արյունահոսող վերք է». Թուրքիայի վարչապետ
Բաքու մեկնած Թուրքիայի վարչապետ Բինալի Յըլդըրըմը հանդիպել է Ադրբեջանի մեջլիսի նախագահ Օքթայ Ասադովին։
TRThaber-ի փոխանցմամբ, որին հղումով վկայակոչում է «Հայկական ժամանակ»-ը, Ասադովի հետ հանդիպման ժամանակ Յըլդըրըմը, անդրադառնալով Ղարաբաղյան հակամարտությանը, ասել է.«Լեռնային Ղարաբաղի հարցը դեռևս արյունահոսող վերք է: Անշուշտ օրերից մի օր այս սխալը կշտկվի: Թուրքիան կշարունակի լինել Ադրբեջանի կողքին այդ արդար գործում։ Տարածաշրջանում կայունության պահպանման տեսանկյունից Ադրբեջանը պետք է ուժեղ լինի»,- ասել է Թուրքիայի վարչապետը։
Աղբյուրը հաղորդում է, որ Յըլդըրըմը հանդիպել է նաև Իլհամ Ալիևին։
Թուրքիայի վարչապետը Ադրբեջանում մասնակցելու է Բաքվի 6-րդ համաշխարհային համաժողովին։ Համաժողովի շրջանակներում թուրք պաշտոնյան հանդիպումներ է ունենալու այլ երկրների նախագահների և բարձրաստիճան պաշտոնյաների հետ։
Լուսանկարը՝ Getty Images-ի