Մամուլ
Ստամբուլի փողոցներից մեկը կվերանվանվի «Հրանտ Դինք»
Ստամբուլի Շիշլի շրջանի համայնքային խորհուրդը որոշում է ընդունել շրջանի փողոցներից մեկը վերանվանել Թուրքիայում հրատարակվող «Ակոս» պոլսահայ թերթի հիմնադիր ու խմբագրապետ, հայ լրագրող Հրանտ Դինքի անունով: Վերջինս սպանվել էր 2007-ի հունվարի 19-ին Ստամբուլում:
Որոշում է ընդունվել նաև մեկ փողոց էլ վերանվանել սպանված թուրք լրագրող Ուղուր Մումջուի անունով:
Habertürk-ի փոխանցմամբ Շիշլիի համայնքապետարանի տարածած հայտարարության մեջ նշվում է, որ շրջանի «Ըշըք» փողոցը կվերանվանվի Ուղուր Մումջուի, իսկ «Սամանյոլու» փողոցը՝ Հրանտ Դինքի անունով: Թուրքական լրատվամիջոցին հղումով փոխանցում է «Հայկական ժամանակ»-ը:
Շրջանի ղեկավարության կողմից մարտի 8-ին ընդունած որոշումն ուղարկվել է Ստամբուլի քաղաքային խորհրդի հաստատմանը: Հաստատումից հետո փողոցների անվանումները պաշտոնապես կփոխվեն:
Շիշլի համայնքի ղեկավար Հայրի Ինոնյուն նշել է, որ իրենք ցանկանում են ապրեցնել 2 մտավորականների անունները, որոնք զոհվեցին հանուն մամուլի ու ժողովրդավարության: