Քաղաքական
ՌԴ-ն անցանկալի անձ է ճանաչել բրիտանացի 23 դիվանագետի
Ռուսաստանի Դաշնության Արտաքին գործերի նախարարություն persona non-grata (անցանկալի անձ) է ճանաչել Մեծ Բրիտանիայի դեսպանության 23 դիվանագետի, ինչպես նաև պահանջել, որպեսզի նրանք Ռուսաստանի սահմանները լքեն մեկ շաբաթվա ընթացքում: Այս մասին հայտարարությունը հրապարակված է Նախարարության պաշտոնական կայքէջում, որին հղումով փոխանցում է РИА Новости-ն:
Ավելին՝ պաշտոնական Մոսկվան չեղյալ է հայտարարել Սանկտ-Պետերբուրգում բրիտանական գլխավոր հյուպատոսություն բացելու համար տրված համաձայնությունը: Բացի այդ, կասեցվում է Բրիտանական խորհրդի գործունեությունը ՌԴ-ում՝ կապված մարմնի կարգավիճակի չկարգավորված լինելու հանգամանքով:
Համապատասխան միջոցառումները կյանքի կկոչվեն՝ համաձայն միջազգային իրավունքի պրակտիկային:
Լուսանկարը՝ Ria.ru-ի