Հասարակական
Փարիզում հանրային տրանսպորտը 2020-ից կարող է անվճար դառնալ
Փարիզի քաղաքապետ Անն Իդալգոն մտադիր է մինչև 2018-ի ամառն ուսումնասիրել և քննարկել անվճար հանրային տրանսպորտի մոդելը բնակչության բոլոր շերտերի համար: Այդ մասին նա պատմել է Les Echos թերթին տված հարցազրույցում, որը փոխանցում է PanARMENIAN.Net-ը:
Ըստ քաղաքապետի՝ այդ հարցի վերաբերյալ վերջնական որոշում պետք է կայացվի մինչև 2020 թվականը:
«Անվճար տրանսպորտի հարցը առանցքային է քաղաքում տեղաշարժվելու առումով, որտեղ վնասակար արտանետումներով ավտոմեքենաներն այլևս կենտրոնական տեղը չեն գրավում»,- ասել է Իդալգոն, գրում է «Կոմերսանտ»-ը:
Սա քաղաքացիների անվճար տեղաշարժն ապահովելու ուղղությամբ քաղաքապետարանի առաջին նախաձեռնությունը չէ: Մարտի 20-ին տեղի կունենա ավելի քան 220.000 տարեց փարիզեցիների համար անվճար երթուղային տոմս սահմանելու վերաբերյալ քվեարկությունը:
Լուսանկարը՝ AutoNetMagz.net-ի