Քաղաքական
Հրայր Թովմասյանն ընտրվեց ՍԴ նախագահ
Ազգային ժողովը Սահմանադրական դատարանի նախագահի պաշտոնում մարտի 21-ին ընտրեց Հրայր Թովմասյանին: Ինչպես հաղորդում է «Արմենպրես»-ը՝ ՀՀ ԱԺ հաշվիչ հանձնախմբի նախագահ Գագիկ Մելիքյանը ներկայացրեց, որ քվեարկությանը մասնակցել է 93 պատգամավոր:
«2 քվեաթերթիկ ճանաչվել է անվավեր, Հրայր Թովմասյանի թեկնածությանը կողմ է քվեարկել 64, դեմ՝ 27 պատգամավոր»,- ասել է Գագիկ Մելիքյանը:
Հրայր Թովմասյանը շնորհակալություն է հայտնել վստահության համար և հավաստիացրել, որ իր պաշտոնավարման ընթացքում ամեն ինչ անելու է, որպեսզի հայ ազգը լինի ազատ և երջանիկ:
Լուսանկարը՝ Photolure-ի